Veliko pojačanje: Partizan doveo napadača iz Francuske

Aldo Kalulu novo je pojačanje Partizana, prenijeli su beogradski mediji.

Nekadašnji napadač Liona, koji je prethodne dvije godine igrao za Sošo, došao je u Humsku da pojača ofanzivnu liniju u timu Igora Duljaja.

Krilni napadač, koji ima 27 godina, došao je kao slobodan igrač, a francuski napadač potpisao je trogodišnji ugovor sa Crno-bijelima.

Kalulu je prošle sezone za Šošo odigrao 37 ligaških utakmica, postigao je šest golova, uz tri asistencije.

Dolazak Alda ne znači da je Parni valjak završio sa angažmanom novajlija u napadačkom dijelu ekipe. Traži se još jedan špic, po svoj prilici klasičan, pošto je zamisao da novi adut dejstvuje malo iza njega.

A taj novi bi se borio za mjesto u timu sa Nemanjom Nikolićem, zavisno od rivala i postavke stručnog štaba.