Slonica pobjegla iz cirkusa, pa se prošetala po gradu

Slonica Viola iz jednog cirkusa u SAD polomila je ogradu i prošetala 10 minuta po ulicama grada But u državi Montana nakon što ju je uplašio zvuk auspuha automobila u blizini.

Poslije parkinga, Viola je produžila do obližnjeg travnjaka, gdje su je sustigli vlasnici sa prikolicom u kojoj se nalazio još jedan, manji slon.

Viola je bila kupana pred nastup u cirkusu u utorak, prije nego što je prošetala gradom, na veliko iznenađenje građana Buta, prenosi Asošijeted pres.

Na snimcima sigurnosnih kamera i očevidaca se vidi slonica koja ubrzano hoda po ulicama, a zatim kako skreće na parking, sve dok za njom ide oprezni trener koji pokušava da je vrati.

Poslije parkinga, Viola je produžila do obližnjeg travnjaka, gdje su je sustigli vlasnici sa prikolicom u kojoj se nalazio još jedan, manji slon.

Viola je tada mirno ušla u prikolicu, iste noći je, po planu, nastupila u cirkusu.

Grupe za zaštitu životinja kritikovale su vlasnike slonice, tvrdeći da su u ovom incidentu ugroženi i Viola i javnost, kao i da se on ne bi dogodio da ta životinja nije natjerana da nastupa.