Sajsi MC: „Majčinstvo je hardkor, nisam znala da će biti ovoliko teško"

Ona je trudnoću dugo krila od javnosti, pa su se mnogi iznenadili kada je otkrila da ona i njen muž čekaju prinovu.

Sajsi je sada govorila o tome kako se snalazi u ovoj novoj životnoj ulozi.

Bila je iskrena, te priznala da se nije pripremala za majčinstvo, ali joj je veliko olakšanje to što joj majka pomaže i došla je da živi kod njih.

„Hardkor, je**ni hardkor. Nisam mogla da zamislim težinu toga i iskreno, da nije došla moja majka da živi sa nama, ja ne bih mogla da nastupam na festivalu. Mama me spasila. Dok sam bila trudna nisam se raspitala šta će biti kada postanem majka. Samo sam pratila svoju trudnoću iz nedelje u nedelju. Kao da ću deset godina nositi dijete pa kao ima vremena da se za to pripremim. Kad se to rodilo ja sam bila u šoku. Nisam znala da će to biti tako, teško je“, rekla je ona.

Kako kaže, ona je svoj život vodila kako je htjela sve dok ćerka nije došla na svijet.

„Kada dobiješ to malo biće, prvi put imaš takvu odgovornost. Ja jesam starija, ali ja sam sebi napravila fin život, lagodan. Bavim se umjetnošću, vrlo sam spontana, kad mi se ne spava, ne spavam, a kad mi se spava, onda spavam. Ja sam sebi ugodila. Međutim, došlo je jedno malo čudovište na svijet koje ima svoje zahtjeve. To je ta nova stvar, nisam više ja na prvom mjestu, nego na drugom. Meni je tetka jednom rekla: ‘Što mi je drago što ćeš postati majka, sad ćeš shvatiti što znači nekome dati bezuslovnu ljubav’. Ja nisam shvatala o čemu ona priča, ali onda dođe to malo stvorenje i ti ga voliš“, ispričala je Sajsi za Blic.

Sajsi je nakon što je postala majka promijenila i mnoge planove.

„Ja sam naivno mislila da kada beba napuni mjesec dana da ja nju mogu voditi svuda sa sobom. To nije tako“, zaključila je Sajsi MC, prenosi Nova.rs.